Saqqummersitamiittoq titartagaq 4 iluarsineqarpoq 10. aggusti 2021. Titartakkami siullermi Tasiilaq marloriarluni taaneqarpoq aamma Aasiaat Qeqertarsuarlu ilanngunneqarsimanngillat.

 

2020-mi innuttaasut ilinniagaqarnerisa nalunaarsuutaat

Saqqummersitami uani innuttaasut ilinniagaqarnerisa kisitsisitigut paasissutissaat atorlugit innuttaasut ilinniarsimanerisa qaffasissusaat ilinniarnerisalu isikkuat takuneqarsinnaapput.

 

Kisitsisitigut paasissutissani siullermik nalunaarutigineqartumit innuttaasut ilinniarsimassusaat qaffasinnerunerat pissutaalluni 2019-imi kisitsisit iluatsillugit iluarsaanneqarput. Kalaallit Nunaannut siullermeerlutik nuuttut akornanni ilinniarsimassutsip qaffasissusaa kingullermik saqqummersitami piviusumit appasinnerusimavoq.

 

Innuttaasut ilinniarsimanerisa allanngornerisa taamaallaat piginnaasaqalersitsisumik ilinniagaqarsimanersut ersersinngilaat Kalaallit Nunaannut nuuttartut aamma Kalaallit Nunaannit nuuttartut ilinniarsimasaasa qaffasissusaat aamma sunnertarpaat. Innuttaasut ilinniarsimanerisa qaffasissusaat aamma inuit toqusut ilinniagarisimasaanit sunnerneqartarput.

 

Ilinniakkat qaffasissusiisa nalunaarsuutaat nalinginnaasumik innuttaasuni inuusunnerusuni matussusiinerusarput. Taamaattumik ilinniakkat qaffasissusaanni qaffariaatip ilaa ilinniakkat naammassineqartut annertuumik matussusiinerulernerannik peqquteqarsinnaavoq (saqqummersitami periaatsimut nassuiaat takuuk).

 

Meeqqat atuarfianit qaffasinnerusunik ilinniagaqarsimaneq

2020-mi innuttaasut 16-it 74-illu akornanni ukiullit 42 pct.-ii meeqqat atuarfiannit qaffasinnerusumik ilinniagaqarsimapput, ukiut qulit ingerlanerini 9,2 pct.-imik qaffallutik.

 

Taakkunannga 13,3 pct.-ii ingerlariaqqiffiusumik ilinniakkamik naammassinnissimapput, 28,7 pct.-iilu ilinniarnertuutut, inuussutissarsiummik ilinniakkamik imaluunniit angusanik qaffassaanermik ilinniagaqarsimallutik. Ukiullu qulit ingerlanerini 2,7 pct.-inik aamma 5,8 pct.-inik qaffariarsimapput.

 

Titartagaq 1. 2009-miit 2020-mut innuttaasut qaffasinnerpaamik ilinniarsimasaat

Nassuiaat: Ilinniarnertuunngorniarluni inuussutissarsiornermilu ilinniarnerni aamma qaffassarluni ilinniarnerit ilaapput. 2018-imiit 2020-mut nalunaarsuutit kisitsisaagallartuupput, ilinniakkanik ingerlatsinernut nalunaarsuutit ilaat kingusinaarsinnaasarmata.

Najoqqutaq: Naatsorsueqqissaartarfik – Kisitsisaataasivimmi kisitsisit (https://bank.stat.gl/UDNISCPROD).

 

Arnat akornanni ilinniarsimassuseq qaffasinneruvoq

Arnat amerlassusaat eqqarsaatigalugu meeqqat atuarfiannit qaffasinnerusumik ilinniagaqarsimasut amerlanerupput. 2020-mi arnat 45,3 pct.-ii inuusuttunut ilinniarfinni imaluunniit ilinniaqqiffinni ilinniarsimapput, angutilli akornanni ilinniarsimasut 39,5 pct.-iusut.

 

Assigiinngissut annerpaaq ilinniaqqissimasut akornanniippoq. 2020-mi arnat 16,8 pct.-ii ilinniaqqissimasuupput angutit akornanni 10,2 pct.-iusut. Ukiut qulit kingulliit ingerlanerini arnat akornanni ilinniaqqissimasut qaffannerpaajusimapput. Ilinniagaqaqqissimasut akornanni professionsbacheloritut ilinniagaqarsimasut amerlinerpaallutik.

 

Titartagaq 2. Innuttaasut (16-74-inik ukiullit) meeqqat atuarfianniit qaffasinnerusumik ilinniagaqarsimasut amerlassusaat, suiaassuseq aamma ukioq malillugit

Nassuiaat: Inuusuttunut ilinniakkani ilinniarnertuunngorniarnerit, inuussutissarsiornermik ilinniarnerit aammalu angusanik qaffassaanerit pineqarput. 2020-mut nalunaarsuutit kisitsisaagallartuupput, ilinniakkanik ingerlatsinernut nalunaarsuutit ilaat kingusinaarsinnaasarmata.

Najoqqutaq: Naatsorsueqqissaartarfik – Kisitsisaataasivimmi kisitsisit (https://bank.stat.gl/UDNISCPROG).

 

35-nit 39-nut ukiullit akornanni meeqqat atuarfiannit qaffasinnerusumik ilinniagaqarsimasut amerlanerupput

2020-mi ilinniagaqarsimasut amerlassusaat 40-44-nik ukiullit tungaannut qaffassimavoq, 59 pct.-iullunilu qaffasinnerpaavoq. Innuttaasut utoqqaanerusut akornanni ilinniagaqarsimassutsip qaffasissusaa appariaqqippoq. Ilinniagaqarsimassutsilli qaffasissusaanut nalunaarsuutit innuttaasunut inuusunnerusunut nalinginnaasumik matussusiinerupput.

 

Titartagaq 3. 2020-mi innuttaasut (16-it 74-illu akornanni ukiullit) qaffasinnerpaatut ilinniakkat naammassisimasaat, ukiut malillugit

Nassuiaat: Inuusuttunut ilinniakkani ilinniarnertuunngorniarnerit, inuussutissarsiornermik ilinniarnerit aammalu angusanik qaffassaanerit pineqarput. Nalunaarsuutit kisitsisaagallartuupput, ilinniakkanik ingerlatsinernut nalunaarsuutit ilaat kingusinaarsinnaasarmata.

Najoqqutaq: Naatsorsueqqissaartarfik – Kisitsisaataasivimmi kisitsisit (https://bank.stat.gl/UDNISCPROE).

 

Sumiiffinni assigiinngitsuni ilinniarsimassuseq

Nuup immikkoortuani ilinniarsimassuseq qaffasinnerpaavoq, tassani innuttaasut 57 pct.-ii meeqqat atuarfianniit qaffasinnersumik ilinniagaqarsimapput, nuna tamakkerlugu agguaqatigiissitsinermi innuttaasut 42 pct.-ii meeqqat atuarfianniit qaffasinnerusumik ilinniagaqarsimasut. Qaqortup aamma Sisimiut immikkoortuanni innuttaasut 45 aamma 42 pct.-ii meeqqat atuarfianniit qaffasinnerusumik ilinniagaqarsimallutik nuna tamakkerlugu agguaqatigiissitsinermit qaffasinnerupput.

 

2020-mi Upernaviup immikkoortuini ilinniarsimassutsip appasinnerpaapput, tassani innuttaasut 18 pct.-ii meeqqat atuarfianniit qaffasinnerusumik ilinniagaqarsimammata.

 

Titartagaq 4. 2020-mi distriktini innuttaasut (16-it 74-illu akornanni ukiullit) ilinniarsimanerisa qaffasissusaat

 

Malugiuk: Saqqummersitamiittoq titartagaq 4 iluarsineqarpoq 10. aggusti 2021. Titartakkami siullermi Tasiilaq marloriarluni taaneqarpoq aamma Aasiaat Qeqertarsuarlu ilanngunneqarsimanngillat.

Nassuiaat: Inuusuttunut ilinniakkani ilinniarnertuunngorniarnerit, inuussutissarsiornermik ilinniarnerit aammalu angusanik qaffassaanerit pineqarput. Nalunaarsuutit kisitsisaagallartuupput, ilinniakkanik ingerlatsinernut nalunaarsuutit ilaat kingusinaarsinnaasarmata.

Najoqqutaq: Naatsorsueqqissaartarfik – Kisitsisaataasivimmi kisitsisit (https://bank.stat.gl/UDNISCPROG).

 

Eqikkaaneq

 

Tabel 1. Innuttaasut (16-it 74-illu akornanni ukiullit) qaffasinnerpaatut ilinniarsimasaat

	2005	2008	2011	2014	2017	2020
Meeqqat atuarfiat .............	28.473	28.317	27.961	26.821	25.302	24.593
Ilinniarnertuunngorniarneq ......	1.100	1.205	1.548	1.902	2.181	2.293
Inuussutissarsiornermik ilinniarneq .	6.223	6.536	7.087	7.555	8.068	8.476
Angusanik qaffassaaneq .......	1.310	1.287	1.285	1.289	1.348	1.409
Ingerlariaqqiffiusumik ilinniarneq naatsoq ....................	844	861	947	966	1.088	1.239
Bacheloritut ilinniarneq .........	133	148	195	233	265	330
Professionsbacheloritut ilinniarneq	2.018	2.001	2.281	2.340	2.508	2.757
Kandidatitut ilinniarneq .........	748	795	916	982	1.125	1.240
Phd. .......................	20	28	33	41	54	52

Najoqqutaq: Naatsorsueqqissaartarfik – Kisitsisaataasivimmi kisitsisit (https://bank.stat.gl/UDNISCPROD).